Coto Minero faise de nuevo col pozu Zarréu

J.S. REDACCIÓN

AGORA

Victorino Alonso.Victorino Alonso
Victorino Alonso

Asume la concesión cinco años en quedando erma la puya nun xulgáu d'Uviéu

04 oct 2019 . Actualizado a las 19:55 h.

La puya pública celebrada nun xulgáu mercantil d'Uviéu quedó erma, lo que provocó que Coto Minero Cantábrico asuma de nuevo la concesión como acreedor privilexáu con una ufierta de 180.000 euros más cuatro millones que se-y descuenten de lo qu'Astur Leonesa debía. El presidente del comité d'empresa, Rubén Menéndez, amosóse optimista. «Trabayamos con ellos va unos años y son xente sensible. A ver si tenemos bones noticies pronto», dixo.

El pozu del conceyu de Degaña, yera enantes propiedá d'Astur Leonesa. Cinco años dempués volvió a manes de la sociedá en lliquidación Coto Minero. «Al nun se presentar nengún comprador queden ellos otra vegada cola mina», indicó'l representante de los trabayadores tres la puya. Anguaño trabayen en Zarréu 14 emplegaos que cubren llabores de caltenimientu y vixilancia. 

El comité d'empresa d'Astur Leonesa confía en que CMC lleve a cabu una «tresmisión a un terceru». Nel so momentu yá se realizó una operación similar con Astur Leonesa. CMC alcuéntrase en lliquidación dende 2013, lo qu'implica que nun se puede quedar cola mina. Rubén Menéndez va axuntase llueu colos alministradores de CMC pa conocer les sos pretensiones. 

La puya incluyía la esplotación d'interior, el cielu abiertu y los edificios asociaos. Gran parte de la plantiya acoyó l'añu pasáu al plan de prexubilaciones y baxes incentivaes.