Piñán diz que'l vetu al asturianu na Xunta Xeneral impidió centrar el debate na política cultural

La Voz

AGORA

La consejera de Cultura, Política Llingüística y Turismo, Berta Piñán
La consejera de Cultura, Política Llingüística y Turismo, Berta Piñán J.L.Cereijido

«Falé nueve hores de cultura, patrimoniu, deporte y turismu» llamenta la conseyera

04 oct 2019 . Actualizado a las 09:31 h.

La conseyera de Cultura, Política Llingüística y Turismu, Berta Piñán, afirmó esti xueves que'l vetu a qu'usara l'asturianu na Xunta Xeneral por parte de PP, Ciudadanos y Vox fixo que'l debate se centrara nesi tema «cuando falé nueve hores de cultura, patrimoniu, deporte y turismu».

«Yera dalgo completamente innecesario, podía falar lo mesmo n'asturianu y taríemos les mesmes nueve hores de debate ensin llegar a una situación que taba fuera de sitiu», indicó Piñán en declaraciones a los medios n'Uviéu.

Asina, esplicó que na so intervención na Comisión de Cultura de la Xunta Xeneral, faló de temes como cultura, patrimoniu, turismu o deportes y de toles llinies del Gobiernu na materia pa estos cuatro años.

Na comparecencia de Piñán, la dirixente empezó a falar n'asturianu, pero'l PP pidió un intérprete porque dixo que nun la entendía. Vox, sicasí, protestó alegando que yera absurdo siguir usando'l 'bable' cuando tolos presentes entendiéndese n'español.

La Mesa de la Comisión, presidida pola socialista Lidia Fernández, pidió un recesu y, en consultando colos servicios xurídicos de la Xunta Xeneral, solicitó a Berta Piñán que realizara la so intervención en castellanu en base a los derechos de los diputaos a entender lo que dicía.

Nesi sentíu, preguntaba sobre si la protesta, a la que depués se sumó Ciudadanos, yera una situación provocada polos partíos con fines electoralistes, Piñán afirmó qu'estes formaciones «sabrán si falaben pa los sos votantes», pero qu'ella «falaba pal pueblu asturianu y pa tola ciudadanía, falen asturianu, castellanu o lo que sía».

La conseyera indicó que'l castellanu ye una llingua qu'ama y respeta, amás de que la usa profesionalmente --hasta ser nomada conseyera yera profesora de castellanu en Madrid-- pero que sintió «cercenaos» los sos derechos de poder espresame na llingua na que tenía preparada la comparecencia.

Per otru llau, preguntaba sobre la posibilidá de reformar el reglamentu de la Xunta Xeneral pa esplicitar que, xunto a los diputaos, cualquier ciudadanu pue falar n'asturianu na Xunta Xeneral, espero qu'esta salga alantre pa que «dea llibertaes y derechos fundamentales, como ye'l d'espresase na llingua propia».