«Xixón romanu» ye la propuesta pa esti mes d'ochobre na villa y tolo recaldao ta destináu a la Fundación Hogar San José
11 oct 2019 . Actualizado a las 05:00 h.De les ruines de la Villa de Veranes a les de les termes antigües a los pies de la estatua d'Octaviu Augustu, el primer emperador, mirando a la playa. Los restos romanos de Xixón son una de les referencies pa los visitantes que s'averen a la ciudá col interés d'afayar la so hestoria pero agora, amás, el percorríu puede cumplir un fin solidariu
Son dos hores de visita con un intinerariu qu'empieza na Oficina d’Información Turística (Infoxixón) allugada n'El Fomento, y dende onde «vamos visitar les Termes Romanes del Campu Valdés; siguir ruta pel barriu de Cimavilla -percorriendo la muralla romana y afayando un pozu que permitió estrayer y almacenar agües soterrañes-; y vamos rematar la visita nel Puertu Deportivu, onde vamos descubrir la importancia que tuvo l’actividá pesquera naquella dómina».
«Xixón romanu» ye la propuesta pa esti mes d’ochobre que forma parte del ciclu de visites guiaes solidaries que Xixón Turismu entama a lo llargo de 2019. Nesti casu, tolo recaldao, cinco euros per persona, ta destináu a la Fundación Hogar San José.
Ye preciso inscribise n’Infoxixón per teléfonu (985 341 771) o corréu lletrónicu: infogijon@gijon. info y les visites van realizase los díes 12, 20 y 27 d’ochobre a les 12:00h.