Un bancu de families pa los neños

F. S.

AGORA

Ocho menores tán a la espera d'una familia d'acoyida n'Asturies

16 oct 2019 . Actualizado a las 08:30 h.

Pensáu nestos neños, dende va años púnxose en marcha n'Asturies el programa «Se buscan abrazos», que fai la Fundación Meniños y que cunta cola collaboración del Principáu dende l'añu 2000. Esta selmana anunciáronse nueves midíes pa sofitar a les families d'acoyida y aumentar el númberu de les que collaboren col Principáu na atención a menores. Ente estes actuaciones, destaquen la optimización del respaldu económicu y les facilidaes nos trámites pa la xestión de les ayudes. «Queremos que les families se sientan cuidaes, respetaes, protexíes y que formen parte d'un proyectu común», dixo la conseyera.

La idea ye cuntar con un bancu de families acoyedores y adoptives n'Asturies, bien formaes y apoyaes, y dispuestes a facese cargu de menores con necesidaes bien diverses; según informó la conseyería.

Anguaño, nel Principáu hai ocho menores a la espera d'una familia d'acoyida. Les persones interesaes pueden solicitar información nes siguientes páxines web: acogimientoyadopcionasturias.org y .meninos.org