Pa comer tolo verde

F.S.

AGORA

La Xuntanza Vegana va celebrase el 2 de payares nel Centru de Cultura Antiguu Institutu Xovellanos de Xixón

27 oct 2019 . Actualizado a las 05:00 h.

Xuntanza Vegana ye'l primer eventu multidisciplinar n'Asturies «alrodiu'l veganismu ya antiespecismu» y va celebrase'n Xixón el prósimu 2 de payares. Na xuntanza organícense 4 conferencies «dende la nutrición hasta la ética animal, pasando pol deporte, ente otres coses, p'amosar que podemos vivir ensin facer sufrir a otros animales non-humanos». La entrada  ye de baldre y va desendolcase nel Centru Cultura Antiguu Institutu Xovellanos de Xixón el 2 de payares.

A lo lalrgo'l día habrá una amuesa de semeyes d'Irene Ziel sobre'l so trabayu fotoperiodisticu «All Beings» sobre granxes y la realidá d'estos espacios d'esplotación animal. Les conferencies tán dividies en dos partes: pela mañana abrirá la xornada Shafika Perea, nutricionista col títulu «Claves pa una dieta vegana, 100% vexetal, saludable». La segunda conferencia de la mañana vendrá de la mano de Marta I. González baxo'l títulu “Xuegu llimpiu: deporte y los otros animales”. Pela tardi, tendremos a Olaia Freiría d'Ética Animal  cola conferencia «L'antiespecismu y la defensa de los animales nel mundu xabaz». P'acabar llegará'l momentu del Frente L.A. Santuario Animal cola so conferencia «Una segunda oportunidá pa vivir llibre y feliz». También habrá una degustación de Raquel Suárez de Veganamente.