Jeison Franco y Wilkin Aquiles, los meyores escanciadores d'Asturies

Los concursantes volvieron reclamar una categoría profesional pa escanciadores

De izquierda a derecha, Pablo Álvarez, Wilkin Aquiles, Jeison Franco, Jonathan Trabanco, Saúl Moro y Salvador Ondó. /LOCAPORLASIDRA.COM
De izquierda a derecha, Pablo Álvarez, Wilkin Aquiles, Jeison Franco, Jonathan Trabanco, Saúl Moro y Salvador Ondó. /LOCAPORLASIDRA.COM

Asturies coronó a los sos meyores escanciadores de sidra. Jeison Franco, de la sidrería El Madreñeru de La Pola Siero foi reconocíu como'l nuevu Campeón d'Asturies d'Escanciadores. En segunda posición remató Wilkin Aquiles, de la Sidrería Avenida de Xixón. Jonathan Trabanco, de Los Portales La Pola Siero terminó terceru.

En consiguiendo dos subcampeonatos y ocho años participando, Jeison Franco impúnxose por seis puntos al dos vegaes campeón Wilkin Aquiles. Los concursantes volvieron reclamar una categoría profesional pa escanciadores. Magar tou, reconocen que'l caxé ameyora al vencer nesti campeonatu de quince pruebes, un concursu que forma parte de la cultura asturiana.

«Esti concursu ta perbién porque la xente reconozte un pocu más. Cada vegada la xente entórnase más col tema de la sidra y l'escanciáu», manifestó Franco. Wilkin Aquiles punxo'l focu nel planu llaboral: «El concursu ye bonu p"atopar trabayu. Si la xente s'entera que tas ensin trabayu llámente. Nun tengo nin que presentar el currículum».

Na clasificación final, amás del podiu, destacó en cuarta posición Alejandro Morillo de Los Portales de La Pola Siero y quintu foi Jorge Vargas, de la Sidrería Avenida de Xixón. De siguío figuren Salvador Ondó (un escanciador premiáu en delles ocasiones) de Sidreríes El Mallu de Xixón; Pablo Álvarez de la Sidrería Alberto d'Uviéu; Rubén Riola de la Sidrería La Bolera de Llugo de Llanera; Humberto Rey y Marcos Ramos de la Sidrería La Ballera de Villaviciosa, que zarró la llista de los diez primeros clasificaos.

 

Comentarios

Jeison Franco y Wilkin Aquiles, los meyores escanciadores d'Asturies