La Policía da cinco claves pa nun sufrir estafes nes compres per internet del Black Friday
29 nov 2019 . Actualizado a las 05:00 h.El vienres negru, el Black Friday, a finales de payares consolidóse como una etapa más de la campaña de rebaxes tamién nel mercáu asturianu. Correos avanzó que nestes feches espera xestionar una cifra perriba de los 600.000 unvios namás nel Principáu. Y ye que la compra ‘online’ tamién ta cada vez más estendida ente los consumidores.
Con too, tamién ye preciso tomar precauciones a la de mercar per internet. La Policía nacional publicó una serie d'encamientos nos que destaca que ye necesario «facer usu del sentíu común y amosar especial atención a les cinco premises claves que van dexar realizar compres segures na rede» ¿Cuáles?
- Nun introduza'l so númberu de tarxeta nuna páxina web de duldosa confianza. Emplegue siempre’l so sentíu común y, en casu de dulda, nun faiga la transacción.
- Asegúrese de que seya un sitiu seguru. Pa ello, compruebe qu'apaez l'iconu d'un candáu na barra de direcciones del so restolador.
- Verifique regularmente que los cargos recibíos na so cuenta bancaria correspuéndense coles compres que fizo.
- Use plataformes entemedies de pagu, con tarxetes prepagu o con saldu amenorgáu.
- Siempre que seya posible, estableza una doble comprobación p'aprobar la transacción (un códigu del bancu unviáu al so móvil, tarxeta de coordenaes, etc).
Nesti sen la Policía insistió en que «a la de calcar n'ufiertes, ye preciso comprobar que se trata de la páxina oficial y nun dexase llevar per correos electrónicos non solicitaos o ufiertes compartíes per WhatsApp, amás de verificar siempre la URL del restolador»