Los escolinos de Corvera escriben a los Reis Magos n'asturianu

La Voz REDACCIÓN

AGORA

Cabalgata de Reyes en Avilés
Cabalgata de Reyes en Avilés AYUNTAMIENTO DE AVILÉS

L'ayuntamientu entama de nuevo el concursu pa los qu'estudien asturianu nel primer y segundu ciclu de primaria

09 dic 2019 . Actualizado a las 05:00 h.

Talo que se vien faciendo dende va años, l’Ayuntamientu de Corvera, al traviés de la Casa de la Llingua-Serviciu de Normalización Llingüística de Corvera, entama de nuevo y con motivu de la Navidá, el Concursu Carta a los Reis Magos n’Asturianu. El concursu consiste en facer la carta a los Reis Magos n’asturianu; dicha carta distribuyóse yá peles escueles del conceyu y la selección de les cartes ganadores va facese per nivel educativu (primer y segundu ciclu de primaria). Son un cientu d’escolinos/es de Corvera qu’estudien asturianu nel primer y segundu ciclu de primaria los/es llamaos/es a participar nel concursu.

La carta tien que s’entregar nel Centru Sociocultural de Les Vegues, demientres esti mes d’avientu. A los/es neños/es ganadores va entregáse-yos el premiu a la meyor carta escrita n’asturianu el día 5 de xineru, n’acabando la cabalgata, consistiendo’l premiu nun lote de llibros n’asturianu, col envís d’animar a la llectura a los más pequeños, y nun vale por valor de 100 euros pa mercar en material escolar nos comercios corveranos. Los llibros dónalos la Dirección Xeneral de Planificación y Normalización Llingüística del Principáu d’Asturies y l’actividá cuenta cola collaboración de les escueles corveranes y l’Asociación d’Ames de Casa de Las Vegas/Les Vegues.