TPA y TVG celebren la Navidá cola primer emisión conxunta ente Asturies y Galicia
23 dic 2019 . Actualizado a las 18:25 h.El 25 d'avientu TPA y TVG van celebrar la Navidá col especial «Benvidos-Bienllegaos», la primer emisión conxunta realizada polos dos emisores autonómiques.
Dende Ribadeo, localidá lucense mui visitada polos asturianos del Navia-Eo, el presentador gallegu Arturo Fernández y los asturianos Sonia Fidalgo y Alberto Rodríguez, van conducir una gala musical que con humor va afondar nos puntos en común ente los dos pueblos.
Na parte musical el programa va centrase nesta xermandá y va viaxar pela zona de la «raia» que dixebra dambes comunidaes, con visites a l'aldea asturiana d'Abres y a la parroquia lucense de Ría de Abres, llugares qu'anque tienen l'Eo pel mediu cuasi nun hai diferencies.
«Benvidos-Bienllegaos» tamién se va averar al interior d'Asturies pa conocer la tradición musical de Taramundi y de los Picos d'Europa. Amás, l'espectáculu va contar cola participación de Rodrigo Cuevas, Los Berrones, Marisa Valle Roso y Anabel Santiago, amás de los gallegos Susana Seivane, Lucía Pérez, Pablo Carpintero y Os Melidaos.