Na postal pue vese una semeya de los Picos d'Europa, col Urriellu nel centru
26 dic 2019 . Actualizado a las 17:21 h.El presidente del Principáu d'Asturies, el socialista Adrián Barbón, felicitó les navidaes con una postal na que se pue ver una semeya de los Picos d'Europa, col Urriellu nel centru, y un testu en castellanu y n'asturianu.
«A puntu de cruciar l'estragal d'un añu nuevu, suañemos el futuru... Que'l 2020 venga cargáu d'esperanza, dexando atrás la llercia. Colos mios meyores deseos p'Asturies, pa ti y pa la to xente. Feliz añu», diz el testu firmáu por Adrián Barbón n'asturianu.
Ye de reseñar que'l so precedesor nel cargu, Javier Fernández, xeneró polémica nel 2015 cuando unvió una postal pa felicitar les fiestes en 14 idiomes. Ente elles taba'l chinu, el griegu, l'eslovenu o'l finlandés, pero non l'asturianu.
La situación xeneró la crítica d'organizaciones como la Xunta pola Defensa de la Llingua, qu'acusó al yá ex presidente d'aprovechar «la más mínima ocasión pa despreciar l'asturianu».