La gala de xermandía ente Asturies y Galicia lleva a la TPA al so meyor datu históricu en Navidá
AGORA
L'especial algamó una cuota de pantalla del 15,7% y una media d'espectadores de 45.000, la tercera con más audiencia n'Asturies.
26 dic 2019 . Actualizado a las 17:25 h.La gala especial «Benvidos-Bienllegaos», la primer emisión conxunta realizada pola TPA y TVG y que tuvo presentada n'asturianu y en gallegu, llevó al canal asturianu a ser la televisión más vista en prime-time, l'horariu d'audiencia máxima.
Según datos de TPA recoyíos por Europa Press, l'especial algamó una cuota de pantalla del 15,7% y una media d'espectadores de 45.000. Asina, nel día de Navidá, TPA foi la cuarta televisión autonómica más vista --namás depués de TV3, TVG y ETB-- y la tercera con más audiencia n'Asturies.
La televisión autonómica fíxose en tola xornada con una media de 8,8% según datos de Kantar Media. Ye'l segundu meyor datu históricu del día de Navidá «gracies, en parte, a la primer emisión conxunta ente TPA y TVG», señalaron dende la cadena asturiana.
Per otru llau, según datos de Dos 30' --axencia audiovisual n'audiencies-- recoyíos por Europa Press, l'especial tuvo en TVG una audiencia de 7,3% de cuota y 55.000 espectadores. Otra manera, xube l'audiencia en TPA al 16,3% y 52.000 espectadores. De toes toes, sumando los espectadores de les dos cadenes, «Benvidos-Bienllegaos» tuvo 100.000 espectadores.
TPA y TVG emitieron esti especial de cuasi tres horas dende Ribadeo. Presentáu en gallegu por Arturo Fernández y n'asturianu por Sonia Fidalgo, nel especial participaron Rodrigo Cuevas, Los Berrones, Marisa Valle Roso y Anabel Santiago, amás de cuatro artistes gallegos; informó Europa Press.