El CSIC publica un calendariu científicu n'asturianu

La guía didáctica, dirixía al alumnáu d'educación primaria y secundaria obligatoria, ta disponible en castellanu, vascu, gallegu y catalán


L'Institutu de Ganadería de Monte del CSIC (IGM) y la Universidá de Llión publicaron un calendariu científicu escolar pa 2020. El calendariu y la guía didáctica tán disponibles pa la so descarga de baldre en castellanu, gallegu, vascu, catalán y asturianu.

Dirixíu al alumnáu d'educación primaria y secundaria obligatoria, esti calendariu inclúi caldía un aniversariu rellacionáu cola ciencia o la tecnoloxía. El calendariu compleméntase con una guía didáctica qu'inclúi conseyos pal aprovechamientu educativu tresversal del calendariu nel aula amás d'actividaes pa cada rangu d'edá.

Trátase d'un proyectu del IGM que tien la financiación de la Fundación Española pa la Ciencia y la Tecnoloxía (FECYT), adscrita al Ministeriu de Ciencia, Universidaes y Innovación.

La iniciativa, surdida a partir d'una propuesta de l'asociación Europa Laica, cuenta tamién cola collaboración de numberoses entidaes, como la Universidá d'A Coruña, Unibasq, l'Institutu Xeolóxicu y Mineru d'España, la Cátedra de Cultura Científica de la Universidá del País Vascu, l'Asociación Española pa la Meyora de la Ciencia, Museos Científicos Coruñeses, el Parque de les Ciencies d'Andalucía o'l Círculu Escépticu; informó Europa Press.

Comentarios

El CSIC publica un calendariu científicu n'asturianu

Cola ayuda de