Abiertes les inscripciones pa les primeres pruebes oficiales d'asturianu hasta'l 14 de febreru
AGORA
A les pruebes van poder concurrir un máximu de 500 aspirantes y van celebrase a finales de mayu n'Uviéu
06 feb 2020 . Actualizado a las 12:51 h.El plazu d'inscripción pal nivel B2 de les primeres pruebes oficiales de certificación de llingua asturiana abrióse esti 6 de xineru y acaba'l 14 de febreru.
A les pruebes, que se van convocar polo menos una vez al añu pa un mínimu d'ún de los niveles (A1, A2, B1, B2, C1), van poder concurrir un máximu de 500 aspirantes y van celebrase a finales de mayu n'Uviéu.
Les persones interesaes han presentar les sos solicitúes d'almisión ente esti xueves, día 6, y el vienres 14 de febreru nos siguientes centros: IES Aramo, n'Uviéu; IES Calderón de la Barca, en Xixón; IES Carreño Miranda, n'Avilés; o IES Bernaldo de Quirós, en Mieres.
Les solicitúes d'almisión y inscripción han axustase al modelu normalizáu disponible na sede electrónica de l'Alministración del Principáu d'Asturies https://sede.asturias.es, que se va poder obtener introduciendo'l códigu de ficha de serviciu 201900078 nel buscador de la cabecera (asitiáu na parte cimera derecha); informó Europa Press.