Iniciativa propón que'l Códigu Éticu de la Universidá d'Uviéu recueya que nun se pue discriminar por llingua

La Voz REDACCIÓN

AGORA

Universidad de Oviedo
Universidad de Oviedo Universidad de Oviedo

Reclaman que una vez aprobáu, el Códigu Éticu publíquese nel BOPA de forma bilingüe, n'asturianu y castellánu

03 mar 2020 . Actualizado a las 17:49 h.

Iniciativa pol Asturianu presentó un escritu d'observaciones y suxerencies al borrador del Códigu Éticu presentáu pola Universidá d'Uviéu. Nél, proponen que se recueya que nun pue existir discriminación por cuestión llingüística. Según indicaron dende la organización, el documentu presentáu pola Universidá recueye que nun pue discriminase a los estudiantes por relixón, etnia, sexu, identidá de xéneru y orientación social, clase social «o cualquier otra circunstancia personal o social».

Nesi sentíu, la organización propunxo incluyir dientro d'esa llista que l'usu de cualesquier llingua -con especial atención a la llingua asturiana- tampoco nun sía motivu de discriminación, amás de que se recueya que'l respetu de la diversidá llingüística y al asturianu sía ún de los valores y principios d'esta institución.

«Ye importante qu'esti documentu recueya que l'espresase n'asturianu nun sía un motivu de discriminación nin xenere dificultaes dientro de la Universidá d'Uviéu», indicaron dende la organización, de la que recordaron que yá se producieron casos de discriminación por esta cuestión na institución. Otra manera, Iniciativa reclamó que, una vez aprobáu, el Códigu Éticu publíquese nel BOPA de forma bilingüe, n'asturianu y castellánu.