El IV Alcuentru d'Academies de Cine d'España y Portugal va celebrase en 2021 en Barcelona
04 mar 2020 . Actualizado a las 09:15 h.L'Academia del Cine Asturianu, en collaboración coles entidaes autonómiques asemeyaes, participara nel apoyu y visibilización de los trabayos cinematográficos territoriales cola creación d'un Ciclu de cine onde van poder vese n'Asturies películes escoyíes dende otres Academies, amás de les producciones escoyíes asturianes nel restu de la Península.
L'Academia participó esta fin de selmana en Valencia nel III Alcuentru d'Academies de Cine d'España y Portugal, onde tuvieron presentes amás l'Academia Portuguesa de Cinema, l'Academia del Cine Aragonés, l'Asociación d'Escritores y Escritores Cinematográficos d'Andalucía (ASECAN), l'Acadèmia de Cinema Català, l'Academia Galega do Audiovisual y la Acadèmia Valenciana de l'Audiovisual.
Nel alcuentru, según señalaron dende l'Academia asturiana en nota de prensa, reafirmáronse «llazos de collaboración pa la promoción del cine nos territorios». «La diversidá cultural surdida dende los distintos territorios, non namás ye importante y necesario pa la salú del cine y l'audiovisual de los mesmos, sinón pal conxuntu de la producción de tola península», indicaron.
Asina, renovóse l'alcuerdu de collaboración firmáu l'añu pasáu y les Academies presenten agora una iniciativa nueva pa la promoción, apoyu y visibilización de trabayos cinematográficos territoriales cola creación d'un Ciclu de cine onde van poder vese n'Asturies películes escoyíes dende otres Academies, amás de que van vese les producciones escoyíes asturianes nel restu de la Península.
El IV Alcuentru d'Academies de Cine d'España y Portugal va celebrase en 2021 en Barcelona cola organización de l'Acadèmia de Cinema Català; informó Europa Press.