Tolos xuegos tradicionales en llibru

La Voz

AGORA

Trabe publicó «Xuegos Tradicionales Asturianos», un manual ellaboráu por Elena Fernández Poch y los hermanos Rubén y Xuan Xosé Sánchez Vicente

08 mar 2020 . Actualizado a las 09:37 h.

Ediciones Trabe publicó «Xuegos Tradicionales Asturianos», un manual ellaboráu por Elena Fernández Poch y los hermanos Rubén y Xuan Xosé Sánchez Vicente con ilustraciones a color de Ruma Barbero.

El material reuníu nesti llibru sobre xuegos tradicionales asturianos ta dividíu n'once partes, cada una faciendo referencia a un tipu de xuegu: Xuegos de movimientu, Xuegos de coru o movimientu llimitáu, Xuegos con oxetos, Xuegos con balón, Lluches, Xuegos con neños pequeños, Dellos cancios del corru y de la comba o que xugaben los pas colos fíos, Cancios y fórmules d'escoyer, Cancios de campamentu y escursión y Traballingües.

Los tres informantes del material del llibru --Elena V. M. Fernández Poch y los hermanos Rubén y Xuan Xosé Sánchez Vicente-- nacieron na década de los cincuenta, pero amás na reconstrucción d'esta memoria participaron otres persones. La mayoría de los xuegos tán recoyíos en Xixón, anque tamién hai informantes d'otres partes d'Asturies; informó Europa Press.