Una de cada diez llamaes al teléfonu d'atención sicolóxica vien de fuera d'Asturies

La Voz

AGORA

Un hombre mira su teléfono durante la conferencia anual de Internet en la ciudad de Wuzhen (China).
Un hombre mira su teléfono durante la conferencia anual de Internet en la ciudad de Wuzhen (China). ALY SONG | Reuters

Dende la so puesta en funcionamientu a finales de marzu, rexistráronse unes 400 llamaes, el 65% de muyeres

12 abr 2020 . Actualizado a las 13:20 h.

Una de cada diez llamaes que se recibe nel teléfonu qu'habilitó'l Gobiernu del Principáu d'Asturies pa esti periodu de confinamientu pol estáu d'alarma xeneráu pol coronavirus, el 900925112, vien de otres comunidaes autónomes.

El datu anunciólu esti miércoles el conseyeru de Salú del Principáu d'Asturies, Pablo Fernández, nuna comparecencia na Xunta Xeneral. Según esplicó, dende la so puesta en funcionamientu a finales de marzu, rexistráronse unes 400 llamaes, lo que supón unes 31 al día, con una media de cinco minutos. El 65% de les llamaes son de muyeres.

El dirixente asturianu dixo que l'Executivu ta diseñando un plan d'acciones d'apoyu sicolóxicu pa la población que ta sufriendo les consecuencies de los díes de confinamientu. Recordó asina los efectos que pue tener na salú mental eses circunstancies.

Un grupu de trabayu de sicólogos clínicos del Serviciu de Salú del Principáu d'Asturies (Sespa) ta proponiendo llinies d'actuación pa reorientar los protocolos pa priorizar actuaciones con determinaos colectivos, como los pacientes que pasaron la enfermedá, les families que nun pudieron despedir familiares o los profesionales sanitarios.