Barbón y diputaos de tolos partíos, menos Vox, lleen lliteratura n'asturianu

La Voz

AGORA

Iniciativa pol Asturianu publicó'l vídeo pa llograr una imaxe d'unidá col idioma con representantes de diferentes fuercies polítiques nun momentu tan complicáu»

08 may 2020 . Actualizado a las 18:46 h.

El presidente d'Asturies, el socialista Adrián Barbón, y diputaos y diputaes de PSOE, PP, Podemos, Ciudadanos, Izquierda Xunida y Foru participaron nun videu lleendo dalguna obra lliteraria n'asturianu.

Iniciativa pol Asturianu entamó esta llectura de poemes pa «llograr una imaxe d'unidá col idioma con representantes de diferentes fuercies polítiques nun momentu tan complicáu», indicaron dende la organización al traviés de nota de prensa.

Nel videu, amás d'Adrián Barbón, participen Sofía Castañón (Xuníes Podemos), Roberto García (FSA-PSOE), María Fernández Álvarez (FSA-PSOE), Álvaro Queipo (PP), Lorena Gil (Podemos Asturies), Armando Fernández (Ciudadanos), Ángela Vallina (Izquierda Xunida), Adrián Pumares (Foru Asturies), Mercedes Otero (FSA-PSOE), Rafael Palacios (Podemos Asturies), Ovidio Zapico (Izquierda Xunida), Pedro Leal (Foru Asturies), Nuria Rodríguez López (Podemos Asturies) y Daniel Ripa (Podemos Asturies), informó Europa Press.