La falta d'oficialidá del asturianu dexa la so protección de l'asturianu en manes del Principáu
AGORA
El Gobiernu central señaló que les llingües españoles que nun son oficiales tienen una protección que «forma parte de la esfera de competencies propies de les comunidaes autónomes».
03 jun 2020 . Actualizado a las 09:55 h.El Gobiernu central señaló que les llingües españoles que nun son oficiales, como ye'l casu del asturianu, tienen una protección que «forma parte de la esfera de competencies propies de les comunidaes autónomes».
Asina se pue ver nuna pregunta del senador de Compromís Carles Mulet al Gobiernu d'España a la que tuvo accesu Europa Press y que entruga sobre les midíes de protección y respetu de les llingües propies del Estáu --como l'asturianu o l'aragonés-- que nun son oficiales, pero que según l'artículu 3 de la Constitución tienen que ser protexíes.
Nesi sentíu, l'Executivu central respondió al senador valencianu que l'asturianu y el gallego-asturianu tán protexíos pol Estatutu d'Autonomía d'Asturies y pola Llei d'Usu, polo que'l so reconocimientu y protección «forma parte de la esfera de competencies propies de les comunidaes autónomes».
«Les llingües que nun tienen consideración de cooficiales, s'han d'entender amparaes pola actuación d'especial respetu y protección a la que fai referecnia l'artículu 3.3 de la Constitución española y y, nesi sentíu, han de ser oxetu de reconocimientu y promoción poles Comunidaes Autónomes d'alcuerdu colos sos propios estatutos d'autonomía»; informó Europa Press.