La educación ye l'arma. Hai millones de reciella que carecen l'ambiente de la guerra. Nun tán seguros nin nes escueles que yá son oxetivos de llucha. Son usaes como cuarteles, cárceles, depósitos d'armamentu o destruyíes. Poro, la neñez vese ensin el so drechu a la educación ya inclusive queda ferida o muerre polos ataques a esos llugares de deprendimientu.
España ye cómpliz porque pesie a roblar el Tratáu sobre Comerciu d'Armes, espórtales a países que faen violaciones escontra la reciella na guerra. Poro, la reciella queda ensin dechu a la educación y carecen feríes o muertes polos ataques a les escueles, dende Siria a Ucrania, Filipines o Colombia. Ello, en cuenta d'aidar y asistir a la reciella. Asina lo denuncia la ONG Save the children. Salvái la neñez de les guerres. Esa ye la conseña de Save the children al cumplir el so centenariu.
D'esta miente, les Naciones Xuníes comprobaren nel 2017, que más de 25.000 neñes y neños foron víctimes de violación, crime, mutilación, reclutamientu forciáu y bloquéu de l'aidanza humanitaria. Cada añu va xorreciendo esta pantasma real.
El papel duple del Estáu ye que defende la proteición de la reciella nos foros internacionales mientres sigue esportando armes a Arabia Saudita, que viola dafechu'l drechu internacional nel xenocidiu'l Yemen. Poro dende Save the children faen un llamáu al Gobiernu d'España a:
Afitar que la reciella y les sos families accedan a l'aida humanitaria, permediando ente les partes del conflictu pa que llevanten el bloquéu de los productos de primer necesidá a los civiles.
Protexer a la neñez y les sos families, torgando la venta d'armes a les partes del conflictu.
Sofitar les investigaciones internacionales independientes a les violaciones cometíes y desixendo'l cumplimientu del drechu internacional.
El xorrecimientu económicu a la rempuesta humanitaria, sobremanera na educación y proteición de la reciella.
Como amuesa, nel 2018, más de 1.100 neñes y neños morrieron na guerra de Siria según UNICEF, pola mor de les mines ensin españar. Y foron atacaes 262 escueles y centros de salú. Siguen con falta d'alimentu, agua, atención mélica y educación. Los países vecinos alluguen a 2,6 millones de reciella sirio que nun pue dir a la escuela.
Esta sedría una primer forma d'averamientu a camudar el mundiu. Dexar en paz que medre protexida la neñez pa que d'equí p'alantre apurran otru valir a la convivencia ente pueblos, en Siria y n'otros llugares en conflictu. Namái fai falta caltener la xenerosidá ente los estaos donantes y la seriedá a la hora de nun entrar nes contradicciones que provoquen estes situaciones béliques sobre la infancia.
La educación ye ún de los pegoyos básicos de la sociedá del bientar. Según lo recueye l'artículu 26 de la Declaración Universal de los Drechos Humanos, «toa persona tien drechu a la educación». Tolos países han cudiar de qu'ésto se cumpla especialmente na infancia, puesto que ye una estaya de la población mui vulnerable. Pero por diverses sides hai una resquiebra educativa abierta venceyada al territoriu, que ye difícil de zarrar. La educación ye l'arma más poderosa qu'esiste pa camudar el mundiu. Y nun lo digo yo, ye una cita lliteral de Nelson Mandela. Menos potencial bélicu al cambeu d'una educación universal de calidá.