L'asturianu a media xornada nes aules

F. Sotomonte

AGORA

Aula de asturiano.Aula de asturiano
Aula de asturiano

El 80% de los contratos de maestros en Primaria son precarios

23 sep 2020 . Actualizado a las 09:12 h.

Esti nun va ser un cursu normal na mayor parte de los sentíos, los neños asturianos más pequeños, nos grupos de Primaria ya Infantil, volvieron a les aules esti martes con novedaes como la imposibilidá de llevar xuguetes al colexu o llevar mázcaru. Pero sí que se repite un clásicu del cursu escolar, la precariedá ente'l profesoráu de llingua asturiana.

Asina lo denunció'l sindicatu SUATEA qu'afirma qu'hasta'l 80% de los contratos de maestros d'asturianu en Primaria son de media xornada. Al traviés d'un comunicáu, SUATEA informó de que ye asina nos 188 contratos d'esti ciclu y que na Educación Secundaria los contratos a media xornada mermaron en comparanza con otros cursos y esti pasen a ser el 43% d'un total de 76 d’Asturianu. «Teniendo en cuenta toles places axudicaes nos dos cuerpos y les nuestres dos llingües, les cifres amuesen nidiamente la precariedá del profesoráu interino d’Asturianu y Gallego-Asturianu: places a tiempu completu, 29% de 278; places a media xornada: 71% de 278».

El sindicatu aportunó en qu'esta ye una situación de precariedá que se cronifica y agrava col tiempu al nun tener esti profesoráu nenguna oportunidá d’acceder a la fixeza de los puestos nin por concursu-oposición, como forma ordinaria d'accesu, nin por estabilización per aciu d’otros procedimientos, «como venimos demandando dende SUATEA pal profesoráu interino que vien enriestrando contratos añu tres añu».