Barbón va ser el segundu presidente d'Asturies qu'asista al Día de les Lletres depués de Pedro de Silva

La Voz REDACCIÓN

AGORA

Academia de la Llingua
Academia de la Llingua

Facía trente años qu'un presidente nun participaba nesti actu institucional

30 sep 2020 . Actualizado a las 20:17 h.

El presidente del Principáu d'Asturies, el socialista Adrián Barbón, va acudir esti vienres 2 de mayu a la Xunta Estraordinaria de l'Academia de la Llingua Asturiana pol XLV Día de les Lletres. Facía trente años, dende la época de Pedro de Silva, qu'un presidente nun participaba nesti actu institucional.

L'actu nun pudo celebrase en marzu pola crisis sanitaria, polo que la Xunta Estraordinaria de l'Academia va facese esti vienres, a les 12.00 hores nel Aula Magna de la Universidá d'Uviéu, que garra'l testigu del Teatru Campoamor pola situación sanitaria.

Na sesión va acoyese al académicu correspondiente nuevu, Pablo Rodríguez Medina, y Xuan Xosé Sánchez Vicente va recibir el Premiu Nacional de Lliteratura Asturiana. Amás, l'actu va contar cola asistencia del presidente Adrián Barbón, polo que'l socialista va convertise nel segundu mandatariu qu'asista a esti actu institucional dende que Pedro de Silva dexara la presidencia del Principáu en 1991.