Cambéu de modelu nel circuitu teatral asturianu

La Voz

AGORA

El Circuitu d'Artes Escéniques programa 78 funciones pal últimu trimestre

02 oct 2020 . Actualizado a las 08:45 h.

La Conseyería de Cultura va reactivar esti trimestre'l Circuitu d'Artes Escéniques con una inversión cercana a los 150.000 euros que va dexar programar 44 espectáculos, en 78 funciones, nos espacios de 26 conceyos. Cultura modificó'l modelu entamáu en 2018, que tuvo vixente tamién en 2019.

La Conseyería optó por un sistema de cofinanciación al traviés del qu'apurre ente'l 50% y el 90% del presupuestu de cada espectáculu. Esi porcentaxe varia según la población, de manera que van recibir un mayor apurra los conceyos con menos habitantes.

Nos próximos trés meses va programase una media de trés espectáculos en caún de los 26 conceyos participantes.

Esti programa nuevu foi diseñáu nel senu del grupu de trabayu dedicáu al Circuitu Asturianu d'Artes Escéniques de la mesa sectorial constituyida pola Conseyería, nel que tán representaes l'alministración autonómica y llocal, según miembros del sector y responsables de programación teatral.