Asturies engánchase a la producción ecolóxica

J.S. REDACCIÓN

AGORA

El proceso de tratamiento de la manzana y elaboración de la sidra en Asturias
El proceso de tratamiento de la manzana y elaboración de la sidra en Asturias MIGUEL RIOPA

La superficie dedicada a l'agricultura n'Asturies creció un 6,37 % en 2019 dende 2018 y el númberu de productores aumentó un 6,1 % n'Asturies

23 oct 2020 . Actualizado a las 05:00 h.

La superficie dedicada a l'agricultura n'Asturies creció un 6,37 % en 2019 dende 2018, y n'España la medría foi del 4,8 %. El númberu de productores n'Asturies aumentó un 6,1 % n'Asturies y un 5,9 % n'España, según los datos que publica'l Ministeriu d'Agricultura, Pesca y Alimentación.

El Conseyu de la Producción Agraria Ecolóxica d'Asturies (COPAE) caltien l'enclín en 2020 y nos sos rexistros yá hai 450 productores certificaos, 122 empreses envasadores, tresformadores o distribuidores y más de 170 puntos de vienta y restoranes con productos ecolóxicos. Tratase d'una actividá a la que van sumándose cada vez más persones, sobremanera moces y muyeres.

El sector de l'alimentación ecolóxico ye una realidá económica y disponer de la certificación apurre ventayes competitives y meyores de rentabilidá pa los pequeños productores, que d'esa manera pueden consiguir un valor añedíu y ameyorar la calidá de los sos alimentos. Apostar por esti tipu de producción ye una vía pa que la xente vuelva al mediu rural y contribúi a frenar la so despoblación. La producción d'alimentos ecolóxicos n'Asturies contribúi asina al desenvolvimientu rural y a la protección del mediu ambiente, acordies colos Oxetivos de Desenvolvimientu Sostenible de l'Axenda 2030.

El conseyu ta promoviendo la participación nes consultes públiques qu'acaba de llanzar la Comisión Europea sobro desenvolvimientu rural y agricultura ecolóxica. La primera d'elles, venceyada al Alcuerdu Verde Européu, afita un oxetivu de que siquier el 25% de les tierres de la UE seyan cultivaes de forma ecolóxica pa 2030. El plazu de participación ta abiertu hasta'l 23 d'ochobre. La segunda consulta trata sobro la visión al llargu plazu de les zones rurales, cómo ye la vida nes mesmes, les necesidaes, oportunidaes y entrugues sobro la política agraria común y el desenvolvimientu territorial. El plazu d'esta consulta ta activu hasta'l 30 de payares.

Nel mes d'ochobre, el COPAE punxo en marcha una amplia campaña de comunicación sol lema «Alimentos Ecolóxicos d'Asturies, Son lo +»,  pa dar a conocer los sos beneficios y fomentar el so consumu col sellu del COPAE como aval de garantía.