Los efectos de la pandemia: cierren nun mes 153 negocios d'hostelería y 52 comercios

J.S. REDACCIÓN

AGORA

Una terraza del Paseo de Begoña, en Gijón
Una terraza del Paseo de Begoña, en Gijón Juan González

«Nun podemos baxar la guardia énte la situación que tán viviendo los autónomos asturianos», denuncian

24 oct 2020 . Actualizado a las 10:23 h.

Asturies perdió'l pasáu mes de setiembre 153 negocios d'hostelería y 52 de comerciu, amás d'una trentena d'autónomos del sector agropecuariu, según los datos de la Unión de Profesionales y Trabayadores Autónomos (UPTA).

Un informe d'esta organización pon de relieve los «grandes altibaxos» rexistraos por esti colectivu a lo llargo d'anguaño, y que tuvo marcáu pola crisis sanitaria de la Covid-9.

El colectivu ganara n'Asturies 170 autónomos en febreru al respective de xineru, magar ente los meses de marzu, abril y mayu, marcaos pol estáu d'alarma, perdiéronse más de 1.000 trabayadores. Pese al repique de xunu y xunetu, con casi 600 altes, en septiembre contabilizáronse 218 baxes.

El secretariu xeneral de UPTA, Eduardo Abá, quien güei s'axuntó n'Uviéu col conseyeru d'Industria, Empléu y Promoción Económica, Enrique Fernández, acompañáu pol líder d'UXT d'Asturies, Javier Fernández Lanero, reclamó al Principáu «que siga poniendo en marcha midíes, ayudes y polítiques» qu'ameyoren la situación del este colectivu.

«Nun podemos baxar la guardia énte la situación que tán viviendo los autónomos asturianos» porque «la pandemia sigue avanzando y son miles de pequenos establecimientos los que tán en riesgu», alvirtió Abá, quien participó na inauguración de la nueva see de UPTa n'Uviéu.