Frente ecoloxista pa protexer el Cordal Cantábricu de proyectos eólicos

La Voz

AGORA

Aerogenerador, aerogeneradores, parque eólico, Asturias, Principado, molinos
Aerogenerador, aerogeneradores, parque eólico, Asturias, Principado, molinos

Un total de 61 entidaes roblaron un manifiestu nel que piden que se protexa'l Cordal Cantábricu de les amenaces que suponen los megaproyectos eólicos

06 nov 2020 . Actualizado a las 20:55 h.

Un total de 61 entidaes roblaron un manifiestu nel que piden que se protexa'l Cordal Cantábricu de les amenaces que suponen los megaproyectos eólicos al alegar qu'impliquen «travesar» estos paisaxes per una rede de llinies eléctriques pa la evacuación de la enerxía producida y que supondríen «inmolar» los escasos espacios poco humanizaos entá.

El comunicáu conxuntu resalta qu'esta campaña nun pretende cuestionar la necesidá d'encetar una transición nel modelu enerxéticu nin cuestionar la enerxía eólica como mediu d'aprovechamientu d'un recursu llimpiu. El so oxetivu ye la preservación de los usos y valores qu'atesoren estes árees de monte, reserves de la biodiversidá y asientu principal de les árees protexíes nes sos diverses formulaciones, según les entidaes.

Al so xuiciu, la planificación y l'ordenación territorial tien d'emponer la implantación de les enerxíes anovables baxo criterios de minimización del impactu ambiental, d'eficiencia y de sostenibilidá, ensin quedar al albur de los intereses empresariales y les corporaciones.

Coles mesmes, el documentu reflexa la importancia de reforzar el pesu del caltenimientu del paisaxe y del patrimoniu natural y cultural d'estos espacios.

Por esti motivu, estes organizaciones entienden que los montes cantábricos, pol so innegable valor ecosistémicu y al espoliu al que yá fueron sometíes apocayá, tienen de quedar escluyíes de la implantación de los proyectos eólicos planiaos hasta 2030 y de cualesquier de les sos infraestructures xuntes.