«Somos espacios seguros»: les llibreríes reivindiquen el so papel

J.S.

AGORA

Un grupo de personas esperan a ser atendidas en una librería de Gijón
Un grupo de personas esperan a ser atendidas en una librería de Gijón Juan González

El vienres ufiertaron descuentos y actividaes presenciales y virtuales

14 nov 2020 . Actualizado a las 19:44 h.

L'Asociación de Llibreríes del Principáu d'Asturies (ALPA) celebró'l Día de les Llibreríes cola realización de descuentos y actividaes presenciales y virtuales col envís de treslladar a la ciudadanía qu'estos establecimientos son espacios seguros nel contestu de crisis sanitaria.

Los llibreros asturianos reivindicaron el «importante papel» qu'exercen los sos negocios «col so raigañu nos barrios y la creación de comunidaes llectores al traviés d'un tratu individualizáu pa colos veceros».

L'asociación destacó, coles mesmes, «la llucha del sector por caltenese vivu y activu» mientres la pandemia, que provocó unes perdes añales al rodiu del 25 por cientu.

Al traviés de www.diadelaslibrerias.es podía consultase tola programación, como la qu'acoyó la Llibrería Elías d'Uviéu, con una presentación a les 20:00 hores de la obra Trazos de pluma con sentimiento, de Juan Ángel Moreno.

El Día de les Llibreríes tamién tien como oxetivu anguaño apellar a la responsabilidá de les distintes alministraciones públiques nel fomentu de la llectura.