Los refuxos de monte van ver ameyoraes les sos instalaciones

Les obres van llevase a cabu nos d'Urriellu, Jou de Cabrones, Vegarredonda y Vega d'Ariu, nos que la so xestión depende del Principáu

Refugio Jou de los Cabrones
Refugio Jou de los Cabrones

Redaccion

La Conseyería de Cultura, Política Llingüística y Turismu va destinar 139.952 euros a diverses actuaciones de caltenimientu, arreglu y renovación nos refuxos de monte d'Urriellu, Jou de Cabrones, Vegarredonda y Vega d'Ariu, que la so xestión depende del Principáu. La conseyera de Cultura, Berta Piñán, axuntábase ayeri con respondables d'estos equipamientos pa informa-yos de que les obres yá tán axudicaes y de que yá se tán llevando a cabu los llabores de loxística previos a les intervenciones.

Asina, nel refuxu de Vega d'Urriellu y con una inversión de 48.397 euros, van realizase actuaciones de caltenimientu, renovación de revistimientos, aseos y moblame de cocina, y va construyise una plataforma metálica pa la salida y llegada d'helicópteros. Tamién se van camudar les lluces de la instalación a LED.

Con un presupuestu de 21.759 euros, en Jou de Cabrones van instalase nuevos paneles solares na cubierta, que se va impermeabilizar con membrana de cauchu; van revistise los bancos de piedra esteriores; van anovase pavimentos, y va sustituyise la señalización de la zona d'aterrizaxe d'helicópteros. Tamién van camudase les lluces a LED.

En Vega d'Ariu anovarán toles carpinteríes esteriores y los pavimentos, va instalase una nueva puerta d'accesu y, como nel restu de los refuxos, van asitiase postigos de madera, con una inversión de 21.396 euros.

A Vegarredonda van destinase 48.400 euros pa reteyar la cubierta actual, sustituyir les carpinteríes esteriores, camudar el pavimentu ya impermeabilizar el techu del antiguu refuxu, amás de señalizar la zona d'aterrizaxe d'helicópteros.

La Conseyería de Cultura tamién unvió al Ministeriu de Transición Ecolóxica y el Retu Demográficu un proyectu de reconversión enerxética pal refuxu de Brañagallones, col fin d'estudiar la posibilidá de llograr financiamientu per aciu de los convenios de transición xusta. El proyectu tien como oxetu que l'equipamientu llegue al autoconsumu col usu d'enerxíes anovables, nun pasu más escontra la so reconversión nun modelu d'instalación deportiva de monte que sirva d'epicentru del desenvolvimientu sostenible na zona y promueva'l turismu verde.

Conoce nuestra newsletter

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Comentarios

Los refuxos de monte van ver ameyoraes les sos instalaciones

Cola ayuda de