Un equipu d'Avilés compite na final nacional del proyectu «Ciencia y Tecnoloxía en Femenín»
01 dic 2020 . Actualizado a las 08:40 h.Cuasi un centenar y mediu de neñes participaron na tercer edición del proyectu «Ciencia y Tecnoloxía en Femenín». Fueron 147 alumnes d'Avilés que se sumaron a esta iniciativa ente los meses d'ochobre y payares col propósitu de fomentar la participación de les muyeres nel ámbitu científicu.
Foi una edición especial yá que, por cuenta de les restricciones impuestes pola pandemia, la mayoría de les acciones tuvieron que se celebrar a distancia, en formatu telemáticu.
El Conceyu d'Avilés esplicó que'l proyectu foi promovíu pol Parque Científicu Tecnolóxicu (PCT) Avilés Isla de la Innovación, en collaboración con otros 18 parques tecnolóxicos pertenecientes a l'Asociación de Parques Tecnolóxicos d'España (APTE).
Tres les primeres fases del proyectu, una de les iniciatives asturianes va competir ente los ocho finalistes del certame a nivel nacional. Ye la iniciativa del equipu «Scanner Makers», del Colexu Salesianu Santo Ángel dientro del apartáu Propuestes innovadores a los retos pal desenvolvimientu sostenible.