Travel Pop Up: un eventu online colos «youtubers» de viaxes dende Xixón

La Voz

AGORA

Una gaviota junto al oleaje de la playa de San Lorenzo, en Gijón
Una gaviota junto al oleaje de la playa de San Lorenzo, en Gijón EFE | Alberto Morante

Va empobináu al públicu xeneral y creadores de conteníu que quieran inspirase nes histories de viaxeros de sonadía n'Instagram, Youtube y TikTok

09 dic 2020 . Actualizado a las 13:58 h.

Esti fin de selmana, aterriza en Xixón la edición segunda de Travel Pop Up by IATI, un evento qu’axunta a los meyores youtubers de viaxes d’España y Llatinoamérica. L’eventu, qu’anguaño va desendolcase de forma online, ta entamáu por Fun Travel Ven y patrocináu por Xixón Turismu.

Va ser el sábadu 12 y domingu 13 d’avientu, con tresmisión en direuto dende Xixón y presentáu por la viaxera xixonesa Ana Rellán, del proyeutu Zapatillas por el Mundo. L’eventu ta empobináu al públicu xeneral y creadores de conteníu que quieran inspirase nes histories de viaxeros de sonadía n’Instagram, Youtube y TikTok.     

Esta nueva edición axunta a más de 10 youtubers y a influencers de viaxes que son referentes nel turismu español y llatinoamericanu, ente ellos: Enrique Alex, el canal de Youtube númberu 1 n’España; Mariel de Viaje, la bloguera de viaxes de mayor sonadía en Méxicu y, anguaño, una de les ocho grandes muyeres viaxeras del mundu, según el periódicu El País; Álex Tienda, ún de los youtubers de viaxes más famosos de fala hispana con más de 2 millones de suscriptores.