«Nesta llexislatura esperamos la oficialidá»

La Voz

AGORA

Academia de la Llingua
Academia de la Llingua

L'Academia de la Llingua asturiana celebra el so cuarenta aniversariu

15 dic 2020 . Actualizado a las 16:42 h.

El día del so cuarenta aniversariu, l'Academia de la Llingua Asturiana (ALLA) recordó'l so llabor pa la estandarización de la llingua y na defensa de los derechos llingüísticos. Nesi sentíu, destacaron qu'esti últimu puntu ye «especialmente importante si nesta llexislatura, como esperamos», la reforma del Estatutu d'Autonomía inclúi la oficialidá del asturianu y del gallego-asturianu.

«Esti contestu nuevu nun va cambiar l'actividá académica en cuantes al cumplimientu de los estatutos, sinón que va poner nel centru del so llabor retos y xeres nueves pa facer vidable la normalización social de la llingua histórica del pueblu asturianu», indicaron al traviés de nota de prensa.

Esti 15 d'avientu de 2020, cúmplense 40 años desque'l Conseyu Rexonal d'Asturies --l'organismu preautonómicu-- creare l'Academia de la Llingua Asturiana (ALLA). Pa celebralo, la institución publicó un informe sobre'l trabayu a lo llargo d'estes cuatro décades.

«Academia de la Llingua Asturiana: 40 años de compromisu con Asturies y la so llingua» recueye'l llabor que vieno faciendo la institución nestes cuatro décades.

La creación de l'ALLA foi ún de los llogros de Conceyu Bable y a lo llargo d'estos cuarenta años d'existencia de l'Academia punxo a disposición de los falantes d'asturianu les ferramientes normatives básiques -normes ortográfiques, gramática y diccionariu; informó Europa Press.