Carles Mulet diz que «existan llingües españoles que nun sían tovía oficiales nes sos respectives comunidaes autónomes podría entendese mesmo como un actu de tar contraviniendo la carta magna»
18 dic 2020 . Actualizado a las 11:16 h.El portavoz de Compromís nel Senáu, Carles Mulet, rexistró una enmienda a la Llei Celáa pa que'l sistema educativu recueya les llingües españoles que nun son oficiales, como ye'l casu del asturianu.
Mulet rexistró un total de 52 enmiendes a la Llei Orgánica de Cambiu de la Llei Orgánica d'Educación (LOMLOE), que se van debatir nel plenu del día 23 na Cámara Alta. Mulet recordó que les llingües d'España son un patrimoniu cultural que va ser oxetu d'especial respetu y protección, ensin discriminar coles oficiales o non.
«Qu'existan llingües españoles que nun sían tovía oficiales nes sos respectives comunidaes autónomes podría entendese mesmo como un actu de tar contraviniendo la carta magna, pero esto nun pue coartar la protección y especial restu de toes y cada una de les llingües españoles», señaló.
Por eso, pide incorporar a la enseñanza les llingües reconocíes oficialmente nos sos estatutos, pero que tovía nun son oficiales casu del asturllionés o l'aragonés. Coles mesmes, dexa la puerta abierta a la so incorporación a otres llingües y variantes que puedan consiguir esta reconocencia.
Amás, pide garantizar la competencia llingüística del alumnáu en llingua castellana y la llingua o llingües propies de la Comunidá Autónoma, sía oficial o reconocida oficialmente, y asegurar la igualdá profesional de los maestros al traviés de la so inclusión nes especialidaes docentes; informó Europa Press.