La mazcarada, bien d'interés cultural, pa cumplir coles midíes sanitaries va facese ensin públicu asistente, anque se va emitir al traviés de TPA
08 ene 2021 . Actualizado a las 11:31 h.Los Sidros y Comedies de Valdesoto (Siero) nun van faltar esti domingu 10 de xineru a la so cita anual, anque pa cumplir coles midíes sanitaries va facese ensin públicu asistente, anque se va emitir al traviés de TPA.
Esta tradición, enmarcada dientro de les mazcaraes d'iviernu que se recuperaron depués de décades en delles zones d'Asturies, va incluir la representación d'una obra de teatru infantil y d'otra representada por adultos.
Va ser a partir de les 12.15 hores, dientro d'un especial de Conexión Asturias de TPA nel que se van emitir en directo les comedies Comedia pa un añu difícil, de Manuel Pergentino Martínez, y Tamos de COVIDmedia, de José Ramón Oliva.
Esta tradición recuperóse nel añu 2004, gracies al enfotu d'un grupu de mozos de la parroquia de Valdesoto, qu'axuntaron alredor de l'Asociación pola recuperación de los Sidros y les Comedies El Cencerru. Dende esi momentu, el so propósitu foi caltener esti vezu, una de les tradiciones más vistoses d'Asturies. Nel 2019, el Principáu declaró a esta mazcarada como bien d'interés cultural.