El secretariu xeneral de Foro llevará el debate de la reforma del Estatutu al senu del grupu
09 ene 2021 . Actualizado a las 13:37 h.El secretariu xeneral de Foru Asturies y portavoz del so partíu nel parllamentu asturianu, Adrián Pumares, dixo esti vienres que va abrir el debate sobre la oficialidá del asturianu y el gallego-asturianu na so formación.
«Toi dispuestu a falar de lo que sía, incluyendo la reforma d'Estatutu d'Autonomía», confirmó Pumares nunes declaraciones a RPA recoyíes por Europa Press.
Les declaraciones de Pumares lleguen un día depués de que l'Academia de la Llingua Asturiana (ALLA) afirmara qu'había un «alcuerdu plenu» ente la institución y el presidente d'Asturies, el socialista Adrián Barbón, pa garantizar que nesta llexislatura llegue la reforma del Estatutu pa recoyer la oficialidá del asturianu y del gallego-asturianu.
Pa esa reforma del estatutu faen falta 27 de los 45 votos del parllamentu asturianu. PSOE, Podemos y IX sumen 26, polo que'l votu de Pumares podría resultar clave.
Na entrevista en RPA, Pumares dixo que va llevar l'asuntu a la Comisión Directiva de Foru Asturies. «Comprométome a tener esi debate dende yá nel senu de Foru», garantizó.