L'autor ganó dos vegaes el Premiu Máximo Fuertes Acevedo d'Ensayu
27 ene 2021 . Actualizado a las 09:39 h.Ediciones Trabe publicó La xeometría secreta del azar, la segunda novela de José Ángel Gayol y que ta protagonizada por Naldo Asur, un escritor asturianu que gana un premiu d'importancia con una obra que col tiempu se descubre que ye un plaxu.
«Tentando de matar el pasáu y entamar de nuevo, marcha pa Estocolmu a trabayar na embaxada española nesa ciudá. Ellí va ser quien a crear una vida nueva que, si lu alloña del pasáu más real vivíu n'Asturies, acércalu pasín a pasu y ensin ser a saber por qué a la simulación y la invención vital», indicaron dende Trabe.
José Ángel Gayol (Mieres del Camín, 1977) llogró con Vértigu. L'atracción del abismu na sociedá contemporánea (2016), el Premiu Máximo Fuertes Acevedo d'Ensayu nel 2015, gallardón que repitió cuatro años depués con El silenciu invisible (2020). Como narrador diose a conocer cola guapa novela 'Argonautes' (2007) y en 2011 publicó la obra de teatru Ensin noticies del fin del mundu; informó Europa Press.