Llaboral Cinemateca llánzase como patrocinador pa proyectos cinematográficos

La Voz

AGORA

La convocatoria tien una cuantía máxima de 14.900 euros pa llargumetraxes y de 5.000 euros na categoría de curtiumetraxes

16 feb 2021 . Actualizado a las 12:41 h.

Llaboral Cinemateca llanza una convocatoria nueva del Programa de patrocinios pa proyectos cinematográficos asturianos, nuna apueste nueva pol desarrollu y fortalecimientu del sector audiovisual de la rexón.

Esta iniciativa tien como oxetivu vincular la imaxe de Llaboral Cinemateca cola industria audiovisual d'Asturies al traviés de la participación como patrocinador nel desarrollu de proyectos cinematográficos de valor creativu singular que se realicen nel Principáu.

El programa ta dirixíu a los profesionales y creadores asturianos o con residencia nel Principáu d'Asturies qu'incluyan nel so oxetu social la creación y producción cinematográfica, que van poder presentar llargumetraxes o curtiumetraxes enmarcaos tanto na categoría de ficción como na de non ficción. Queden escluyíos los trabayos de calter publicitariu, promocional o periodísticu.