Antón García: «Prestaríame qu'Uviéu exerciera'l papel de capital del patrimoniu llingüísticu»

La Voz

AGORA

Antón García
Antón García RTPA

El conceyal de Ciudadanos José Luis Costillas afirmó que la capital asturiana ta siendo «un exemplu de resistencia cultural» n'España

18 feb 2021 . Actualizado a las 17:18 h.

El director xeneral de Política Llingüística, Antón García, señaló qu'Uviéu, amás de ser la capital de tolos asturianos, tamién tien qu'exercer la función de capital cultural, «de tol patrimoniu d'Asturies, y prestaríame qu'exerciera'l papel de capital del patrimoniu llingüísticu».

Asina lo indicó na presentación del Festival de Danza d'Uviéu, onde tamién participó'l conceyal de Cultura d'Uviéu, José Luis Costillas, y el director del certame, Cosme Marina.

Enantes de les palabres de García, el conceyal de Ciudadanos afirmó que la capital asturiana ta siendo «un exemplu de resistencia cultural» n'España pola so programación nun tiempu d'andanciu y destacó qu'escoyeron «el camín difícil» al reprogramar actividaes y caltener les temporaes culturales, en referencia a certames como'l d'ópera o zarzuela, «al empar que vamos siguir anovando y creando formatos nuevos»; informó Europa Press.