Concursu de micro-rellatos nes escueles del Cabu Peñes

La Voz REDACCION

AGORA

Escolinos con llibros de testu
Escolinos con llibros de testu

Van a poder presentase tolos escolinos y escolines que cursen l?asignatura de llingua asturiana y lliteratura

02 mar 2021 . Actualizado a las 20:30 h.

El Serviciu de Normalización Llingüística de la Mancomunidá Cabu Peñes convoca esti Concursu Escolar de Micro-Rellatos nel so enfotu por facer espoxigar l’usu del idioma nel ámbitu educativu al traviés d’iniciatives con claru calter pedagóxicu y afitaes nel currículu d’Educación Primaria d’Asturies.

Van poder presentase al concursu tolos escolinos y escolines que cursen l’asignatura de llingua asturiana y lliteratura nes diferentes escueles de los conceyos de Carreño y Gozón, caún y caúna d’ellos/es va participar na categoría que-yos correspuenda pol cursu nel que tean: Categoría A, 3u y 4u d’Educación Primaria, y B, 5u y 6u d’Educación Primaria. Los micro-rellatos han tar n’asturianu y caún/a de los/es participantes namás que pue presentar una obra al concursu.

La estensión de cada obra nun pue ser menor de 100 palabres y nun pue superar les 400 palabres. Va valorase la calidá lliteraria y la orixinalidá de la temática, que va ser d’escoyeta llibre. Les obres van poder entregase hasta’l 14 de mayu. Los datos personales (nome y apellíos, escuela, cursu y grupu) tienen qu’apaecer na parte d’arriba de la fueya onde s’escriba’l rellatu, enantes del títulu d’esti.