El plazu pa inscribise nel concursu d'imitadores d'artistes asturianos ye hasta'l día 31 de marzu
23 mar 2021 . Actualizado a las 13:43 h.Vuelve Sácame Pola Pinta, el concursu d'imitaciones pa menores de 18 años qu'entama A Mansalva. La productora yá publicó na páxina web del concursu les bases y el llistáu de cantares y artistes a imitar. Son un total de 16 propuestes musicales, ente les que s'alcuentren nomes de la música n'asturianu como Leticia Baselgas de L-R, Eva Tejedor, Burilo de Skama la Rede, Xosé Ambás, Ramón de Los Berrones, Rodrigo Cuevas, Marisa Valle Roso, Jerónimo Granda, Mapi Quintana, Tania Pereira y Víctor Manuel.
El plazu pa inscribise nel concursu d’imitadores d’artistes asturianos ye hasta’l día 31 de marzu y nél van poder participar tola xente mozo que seya menor de 18 años.
El 2 d’abril la organización va facer públicu’l llistáu de semifinalistes, una de les novedaes d’esta edición ye esta nueva fase na que los seleccionaos tendrán qu’actuar pa poder algamar el pasu a la gran final, a la que llegará un participante por cada artista a imitar.
El formatu, patrocináu pol Ayuntamientu de Llangréu, reparte más de 1.000 euros en premios y dellos regalos pa toles y tolos finalistes.