Una novela sidrera busca financiación en Verkami pa la so edición

La Voz REDACCION

AGORA

«Baxo'l pumar», de Marga Pedrayes, ta escrita n'asturianu y ye la segunda obra de l'autora xixonesa

26 mar 2021 . Actualizado a las 14:11 h.

La plataforma de crowdfunding Verkami acueye estes selmanes una recaldación de fondos pa la edición de la novela Baxo'l pumar, na que la escritora Marga Pedrayes cunta la hestoria de Colás, un home del sieglu XIX, el so peculiar ñacimientu y la so obsesión por facer la so propia sidra.

La hestoria de Baxo’l pumar ñació va dellos años cola idea de retratar la evolución d'un pequeñu llagar familiar a lo llargo d'un sieglu y mediu. Tres dellos cambeos, Marga consideró que tendría de ser un llibru de rellatos n'asturianu, por ser l'idioma del ámbitu sidreru asturianu, onde narraren la obsesión del protagonista, Colás, por una pumarada. Esta obra foi finalista en 2016 del premiu novela Xosefa Xovellanos, lo qu'animó a l'autora a siguir buscando la forma d'editala.

La obra, que tien na xestión editorial a Cuatro Gotes Ediciones, tará llista alredor del mes de mayu y toles persones que collaboren na mesma van apaecer citaes nel llibru como mecenes.