El Centru de Terminoloxía Asturiana ye'l centru encargáu de la coordinación xeneral de les xeres terminolóxiques vinculaes a la llingua asturiana
26 mar 2021 . Actualizado a las 13:15 h.El Centru de Terminoloxía Asturiana (TermAst) de l'Academia de la Llingua Asturiana publicó esti vienres una propuesta nueva. Trátase de «Términos de xuegos de rol», de Nicolás Bardio.
TermAst ye'l centru encargáu de la coordinación xeneral de les xeres terminolóxiques vinculaes a la llingua asturiana. Surdió en xineru de 2009 al traviés d'un pactu ente'l colectivu Softastur, el Colexu d'Inxenieros n'Informática del Principáu d'Asturies y l'Academia de la Llingua Asturiana.
Esti centru ellabora propuestes terminolóxiques d'aplicación a los usos nuevos de la llingua asturiana y ofrez la disponibilidá de consulta al traviés d'una estaya concreta dientro de la páxina web de l'Academia de la Llingua Asturiana.
Hasta'l momentu publicó cerca de venti propuestes terminolóxiques que van d'ámbitos tan estremaos como la bioloxía, el teatru, el fútbol, la medicina, el turismu, la meteoroloxía o les matemátiques, informa Europa Press.