Somos propón instalales col topónimu tradicional
31 mar 2021 . Actualizado a las 16:47 h.El conceyal de Somos Uviéu Nacho del Páramo treslladó la propuesta a la Comisión d'Urbanismu y Infraestructures pa que nel cartelu de les «lletrones» apaeza, amás de Oviedo, la forma tradicional Uviéu.
«Ye una oportunidá mui bona pa cumplir cola Llei d'Usu del Asturianu y pa poner en práctica lo alcordao nel plenu municipal de que s'incluya la toponimia tradicional y la castellana», treslladó'l conceyal al traviés de nota de prensa.
Dende Somos dan dos posibles soluciones: incluyir Uviéu dientro del diseñu encargáu pol equipu de gobiernu municipal o bien un cartelu nuevu especificu cola palabra Uviéu, que podría tar n'otru espaciu.
Del Páramo considera que dambes opciones mostraríen la riqueza cultural y pluralidá existente n'Asturies, amás de ser un reclamu turísticu si s'instalen nel antiguu o nel Camín de Santiago. «Sería una babayada nun aprovechar la riqueza de la cultura asturiana y del nuesu idioma nesti sentíu», remarcó'l conceyal de Somos.