La llingua asturiana, presente nun congresu de la Universidá de Varsovia

La Voz REDACCIÓN

AGORA

El congresu va siguise de forma virtual

12 abr 2021 . Actualizado a las 10:15 h.

Inaciu Galán, periodista y doctor n’Investigaciones Humanístiques pola Universidá d’Uviéu, va participar con una comunicación nel IV Congresu Internacional Redefiniendo los márxenes dende una Península pluricultural «Ucroníes, utopíes, distopíes: pasaos alternativos, presentes paralelos, futuros imaxinarios», qu’entama la Universidá de Varsovia (Polonia), al traviés del Institutu de los Estudios Ibéricos ya Ibero-americanos d’esta institución.  

El congresu va siguise de forma virtual, y el martes a partir de les 13:30 cuntará con participacion asturiana, cola comunicación «Depués d'ochobre y La colomina 36, ucronía na lliteratura asturiana última», na qu’Inaciu Galán va falar de la obra del escritor asturianu Nicolás Bardio, como exemplu del tipu de lliteratura tratáu nesti congresu esistente dientro del actual bayurosu panorama de la lliteratura escrita n’asturianu.  

El congresu tien ponencies en toles llingües penínsulares, incluyendo una charra en mirandés, la variedá del asturllionés que se fala en Portugal, por Micha? Belina, de la Universidá de Varsovia, que falará d’«Adquisiçon de la lhéngua mirandesa pulas pessonas luso-falantes».