Asturies celebra esti vienres el Día de les Lletres con descuentu del 10% en tolos llibros n'asturianu

El Principáu celebra esti 7 de mayu'l Día de les Lletres Asturianes sol lema Nel Amaro, la voz comprometida, pa rindir homenaxe al escritor mierense


Uviéu

Asturies celebra esti vienres 7 de mayu'l Día de les Lletres Asturianes sol lema Nel Amaro, la voz comprometida, pa rindir homenaxe al escritor y artista mierense coincidiendo colos diez años de la so muerte y los 75 de la so nacencia.

Esti vienres tolos llibros o discos n'asturianu y gallego-asturianu van tener un descuentu del 10% y los llectores van recibir de regalu Pruebes d'autor. Les siete vides de Nel Amaro, un llibru integráu por siete artículos sobre l'escritor y el contestu cultural, social y políticu de la so obra, qu'inclúi amás material gráficu. Sobre la presencia del gallego-asturianu na Selmana de les Lletres, la Conseyería de Cultura editó l'antoloxía Al aveiro d'un trabatel, que recueye e ilustra una muestra de la poesía publicada en Trabatel. Revista eonaviega de lliteratura.

La publicación va distribuyise gratuitamente en llibreríes dl Navia-Eo'l 7 de mayu, Día del Llibro Asturianu, al mercar un llibru nesta llingua. La programación de la Selmana de les Lletres va acabar esti vienres 7 en Llaboral Centru d'Arte, en Xixón, cola sesta edición de Entaína a escribi', un concursu de microrrellatos improvisaos n'asturianu pa menores de 35 años, informa Europa Press.

Conoce nuestra newsletter

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Tags
Comentarios

Asturies celebra esti vienres el Día de les Lletres con descuentu del 10% en tolos llibros n'asturianu

Cola ayuda de