«Faigo usu del mio derechu a usar l'asturianu reconocíu pol Constitucional», respuende Piñán a Vox

Blanco criticó nel so turnu d'intervención que Piñán interviniera n'asturianu cuando yera conocedora de qu'él nun diba entender la totalidá del so discursu

La consejera de Cultura, Berta Piñán
La consejera de Cultura, Berta Piñán

Oviedo

La Conseyera de Cultura, Política Llingüística y Turismu, Berta Piñán, afirmó esti xueves que al falar n'asturianu na Xunta Xeneral taba faciendo usu «d'un derechu reconocíu pol Tribunal Constitucional».

La conseyera respondía asina al portavoz de Vox, Ignacio Blanco, que criticó nel so turnu d'intervención que na Comisión del ramu que Piñán interviniera n'asturianu cuando yera conocedora de qu'él nun diba entender la totalidá del so discursu. Pal diputáu, l'usu d'esta llingua yera «una falta de respetu». Piñán respondió a Blanco qu'al falar l'asturianu en sede parllamentaria taba «faciendo usu del mio derechu reconocíu pol Tribunal Constitucional» y que, per otru llau, él tenía «tol derechu a preguntar poles palabres que nun entienda».

La conseyera facía asina referencia a la sentencia del Tribunal Constitucional sobre'l reglamentu de la Xunta Xeneral, que refugó'l recursu d'inconstitucionalidá presentáu por Vox contra'l Reglamentu de la Xunta Xeneral, polo qu'avaló l'usu de la llingua asturiana nel parllamentu. Depués d'estes palabres n'asturianu, Piñán pasó al castellanu pa responder les entrugues de Vox, dalgo qu'Ignacio Blanco destacó al consideralo «una norma d'educación básica».

Primero, la conseyera faló n'asturianu pa responder entrugues de Foru, Podemos Asturies y Ciudadanos, ensin que se xenerara nenguna protesta.

Plan de normalización

Per otru llau, Blanco preguntó-y a Piñán sobre la intención del Principáu de presentar un plan de normalización llingüística pa optar a financiación del Mecanismu de Recuperación y Resiliencia de la Unión Europea (UE). Nesi sentíu, Piñán recordó qu'esto forma parte de la normalización cultural y ye «un elementu d'identidá cultural fundamental que vien recoyíu nos elementos programáticos de los fondos europeos», amás de que tamién influyía nel sector turísticu. «De xuru va atraer munchos turistes la 'llingua' nos cartelos», sentenció Blanco de manera irónica depués de que Piñán defendiera les rellaciones ente llingua asturiana y promoción turística, informa Europa Press.

Conoce nuestra newsletter

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Comentarios

«Faigo usu del mio derechu a usar l'asturianu reconocíu pol Constitucional», respuende Piñán a Vox

Cola ayuda de