Refugu unánime na Xunta a los peaxes n'autovíes

Tolos partíos únense pa treslladar al Gobiernu central la oposición d'Asturies a la midida

Peaje del Huerna
Peaje del Huerna

El plenu de la Xunta Xeneral del Principáu aprobó por unanimidá una iniciativa conxunta del PP y Foru pa treslladar al Gobiernu central la oposición y refugu d'Asturies a la puesta en marcha de la midida de pagu por usu na rede de víes d'alta capacidá, recoyida nel Plan de Recuperación, Tresformamientu y Resiliencia, unviáu a la Unión Europea.

La iniciativa, que foi enmendada pol PSOE y na que Podemos pidió incorporar el pidimientu de suprimir el peaxe del Güerna ensin ser aceptada polos grupos proponentes, encamienta amás a retirar esa midida de dichu plan o, nel so casu, a nun aplicala.

Según populares y foristes, la posible implantación de peaxes nes autovíes, una midida diseñada pol Gobiernu central «con nocturnidá y alevosía», supondría nel casu d'Asturies, una «nueva torga al so progresu económicu».

Al so xuiciu, el posible pagu por peaxe nes carreteres d'España «equivaldría a multiplicar por dos el preciu de la gasolina», col consiguiente impactu que tendría pa los tresportistes.

Conoce nuestra newsletter

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Comentarios

Refugu unánime na Xunta a los peaxes n'autovíes

Cola ayuda de