Suben a 20 los servicios de trenes Alvia ente Asturies-Madrid

La Voz

AGORA

Vías del tren en Oviedo
Vías del tren en Oviedo ep

Renfe va aumentar, dende'l llunes 7 de xunu, la so ufierta en Llarga Distancia

05 jun 2021 . Actualizado a las 11:44 h.

Renfe va aumentar, dende'l llunes 7 de xunu, la so ufierta en trenes Ave y Llarga Distancia con un total de 252 servicios selmanales, que se sumen a los 1.231 que la compañía tien programaos a día de güei. D'esta manera, la ufierta de Renfe va aumentar nun 20,5% y va asitiase nun total de 1.483 trenes selmanales.

Asturies va pasar de 14 a 20 trenes Alvia selmanales con Madrid al traviés de l'ampliación d'un serviciu per sentíu dellos díes a la selmana.

Asina, Renfe va volver poner en serviciu l'Alvia con salida de Madrid Chamartín a les 18.35 hores con destín a Xixón (23.38). Esti tren va circular los llunes, miércoles y vienres. En sentíu contrariu, tamién van volver circular los trenes Alvia con salida de Xixón a les 7.00 hores (martes y xueves) y el que sale a les 14.12 hores (domingos).

Cola ufierta nueva, que va poder aumentar más si la demanda sigue creciendo, Renfe va poner en circulación, cada selmana, casi 520.000 places en trenes Ave, Alvia, Euromed y Intercity, cifra que supera en 90.000 les places qu'ufierta nesti momentu; informó Europa Press.