El Principáu pon en marcha la campaña p'animar a la matriculación n'asturianu y gallego-asturianu
UVIÉU
AGORA
La cartelería impresa ta llegando yá a los centros educativos y d'equí a poco la campaña va estendese a los medios de comunicación
06 jun 2021 . Actualizado a las 11:57 h.La Conseyería d'Educación y la Dirección Xeneral de Política Llingüística del Gobiernu d'Asturies punxeron en marcha la campaña anual p'animar a la matriculación del alumnáu nes asignatures de Llingua Asturiana y Lliteratura y de Gallego-Asturiano.
La cartelería impresa ta llegando yá a los centros educativos y d'equí a poco la campaña va estendese a los medios de comunicación, con cuñes de radio y spots televisivos nes dos llingües.
La campaña trata de promocionar la matriculación n'asturianu, o en gallego-asturianu nel so ámbitu, en caúna de les fases educatives. Les feches pa realizar la matrícula estableciéronse del 23 al 28 de xunu para Educación Primaria, y del 5 al 16 de xunetu y 1 a 7 de setiembre pa la ESO y Bachilleratu.