¿Tienes 4.500 euros? Esti Regoyos puede ser tuyu

La casa de subastes Fernando Durán va acoyer la puya pola obra de pintor asturianu


Por un preciu inicial de 4.500 euros va salir a subasta'l próximu 23 de xunu obra Puerto Vasco, de Dario de Regoyos, puya que va acoyer la casa de subastes Fernando Durán en Madrid.

Trátase d'un oleu sobre llenzu del artista asturianu, ún de los principales esponentes d'impresionismu n'España consideráu un maestru de la lluz y del color. Nel Muséu de Belles Artes d'Uviéu, que trata de recoyer la evolución de la pintura asturiana al traviés de diverses etapes clásiques, la primer obra de Regoyos ye la que marca'l saltu a la modernidá contemporanea.

El pintor, nacíu en Ribeseya en 1857 ingresó na so mocedá na Academia de Belles Artes de San Fernando, en Madrid, onde se formó estableciendo vínculos con relevantes artistes del so tiempu, pocos años dempués acompañaría al compositor Isaac Albéniz nel so viaxe a Bruxeles onde tomaría contactu coles primeres muestres de modernidá na pintura. Nes sos primeres etapes crea obres más íntimes y de color anque na so madueez, col empiezu del sieglu XX, ye de los primeros autores en pintar col estilu del plenairismu, ello ye, la pintura al campu con un predominiu de los paisaxes. Pero Regoyos tien tamién una fase dedicada a La España Negra, en tonalidaes escures, y que sedría señalada como una referencia por Picasso.

Conoce nuestra newsletter

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Comentarios

¿Tienes 4.500 euros? Esti Regoyos puede ser tuyu

Cola ayuda de