La muestra forma parte de los actos promovidos pola Conseyería de Cultura pa conmemorar el Xacobéu 2021-2022
11 jun 2021 . Actualizado a las 17:55 h.La Biblioteca d'Asturies Ramón Pérez de Ayala espón dende esti vienres una muestra que percuerre'l Camín de Santiago a tráves de 200 pieces de los sos fondos bibliográficos. La muestra, inaugurada pol director xeneral de Cultura y Patrimoniu, Pablo León, forma parte de los actos promovidos pola Conseyería de Cultura pa conmemorar el Xacobéu 2021-2022.
Uviéu, orixe y destín: el Camín de Santiago en 200 llibros muestra una parte de los fondos rellacionaos cola ruta xacobea de la Biblioteca d'Asturies. El material escoyóse atendiendo a diversos criterios: polos sos especiales característiques de rareza, importancia o otros elementos interesaos, o por ser representativos d'un determináu tipu de publicaciones realizaes sobre esti tema.
Según indiquen dende l'Executivu, la muestra pretende destacar el relevante papel d'Uviéu nel Camín de Santiago y, coles mesmes, ufiertar al públicu parte de la bibliografía que l'equipamientu foi incorporando a lo llargo de la so historia.
La esposición s'estructura en 12 apartaos, que tomen dende l'empiezu del Camín hasta la so llegada a Santiago de Compostela, pasando pel so percorríu per Asturies, la Cámara Santa o l'acoyida a los pelegrinos. En caúna d'estes sección recueyen obres, folletos y imáxenes rellacionaos con estos conteníos específicos, dalgunos d'elles d'especial relevancia, informa Europa Press.